Mostrando entradas con la etiqueta ESKOLAKO KONTUAK. Mostrar todas las entradas
Mostrando entradas con la etiqueta ESKOLAKO KONTUAK. Mostrar todas las entradas

IKASTURTE BERRIARI ONGI ETORRIA!!


Uda joan da eta udazkenarekin batera ikasturte berria iritsi da, isil isilik, ia ia konturatu gabe.... Ikasleak "guapo-guapo" etorri zaizkigu eta denok genuen elkartzeko gogoa. Zorte handia da gustatzen zaizun horretan lana egitea, eta neri, umeak izugarri gustatzen zaizkit, maite ditut!!

AGUR JOXAN!!

Aurreko komentario batean esan nuen bezala, irakaslea naizenez goizetan arbelean zertxobait idatzia edukitzea gustatzen zitzaidala komentatu nizuen, bertan, azken egunean Joxean Ormazabalek idatzitako "xelebrekeria" bat idatzi nizuen bai nire ikasleei eta baita zuei ere.... Nolakoa den bizitza, umorez betetako pertsona bat zela uste nuen, bai, sensibilidade berezi batekoa baina, bere buruaz beste egiteko.... Gaur bere ipuin bat idatziko diziuet, bere oroimenez, neri izugarri gustatu zait:

ZUHAITZ ERRALDOIA

BADA HOR NONBAIT, DIOENEZ, ZUHAITZ HANDI BAT, IMAJINA EZIN DAITEKEEN BEZAIN HANDIA, MILIOIKA ETA MILIOIKA HOSTO DITUENA. PERTSONA BAT HILTZEN DENEAN, HAREN AURPEGI BIZI BIHURTZEN DA ZUHAITZ HANDIAREN HOSTOETAKO BAT. HAIZE LEUN BATEK KULUNKATZEN DITU AURPEGI GUZTIAK. EZ DIRA ASPERTZEN BATERE, HIZKETAN, BARREZ ETA KANTUAN.

DENOK DAUKAGU ZAIN, DIOENEZ, HILTZEN GARENERAKO HOSTO BAT ZUHAITZ HANDIAN.

ZIENTZILARI, KAZETARI ETA FILOSOSFO UGARI DABILTZA ZUHAITZ HORREN BILA. BAINA ORAINDIK EZ DU INORK AURKITU.

IRAKASLEA NAIZ ETA ZER?

Ni P.T (pedagogia terapeutika)ko irakaslea naiz eta nire eguneroko lanean "ilusioz" aritzeko zenbait "truko" eskeini nahi dizkizuet:

Goizean goiz etortzea gustatzen zait lasai ibiltzeko eta gela prestatzen dut. Ohitura daukat arbelean "lelo" bat edo mezu bat jarrita uztea. Ikasleak gelara sartu eta irakurri egiten dute nik ezer esan gabe. Honekin irakurketa lantzen dut era informal batean eta energia, ilusioa, irrifarra jartzen dut beraien ezpainetan. Gaur adibidez hauxe idatzi dut arbelean:

XELEBREA DA GURE AITA
EROSKETAK EGITEN.
JOAN DA DENDARA
ETA HASI DA ESKATZEN:
BI LITRO PORRU, LAU METRO YOGURT
GAILETA ERDI BAT ETA BI INTXAUR.
ESNE GORRI, KAFE TXIRIA
ETA BOST KILOKO BARATXURIA!!

HORI ENTZUTERAKOAN
BARREZ LEHERTU ZEN IA
EBARISTO DENDARIA.

Design by WPThemesExpert | Blogger Template by BlogTemplate4U